nadezna

По сила на околностите денес морав да станам порано. Ко за белја, пуштив те-ве и МТВ 1. Тера некоја емисија “Лето на дланка”, во живо од Охрид. А таму, во рок од 10 минути водителките 5 пати се пожалија дека оваа година имало помалку туристи во Охрид, сепак…

Имало многу помалку туристи во Охрид од лани, помалку од минатите години, а нудел Охрид толку многу…

Ех Охриду…што очекуваш од овој народ? Па сите тие цркви и манастири, сето тоа културно и историско богатство е неспоредливо небитно и неинтересно во спордба со плажите во Грција, барем за 95 % од ноите пријатели… Сите си фатија патот за Грција, дури и оние кои до лани не ни одеа на летување…како за инает.

Дури, што е најинтересно, веќе никој не се ни правда со мали деца и топла вода, едноставно, Грција е шема, Охрид може и да почека…

- Што мајка барате бре у Грција?- му викам јас на еден тазе брачен пар кој за дестинација за меден месеци си ја одбра Грчката Плажа..

- Е шо, у Охрид да не треба да одиме? За на друго место нема пари- ми одговараат

- Е шо му фали на Охрид?

- Е па, секоја година сме таму….Досадно е веќе..

-Добро де, бевте лани во куката на Робевци? Бевте да ги зирнете пештерските цркви? Куќата на Узунов и Прличев? Нешто селата, ова -она?  Па за Охрид да го видиш малку ти е еден месец..

- Ај ма па и ти. Бевме на Плаошник, секоја година одиме… Што си досадна…Што толку има во Охрид да се гледа?

А некој се труди со спотови и реклами да ја промовира Македонија, да ги прикаже нејзините богатства, за да привлече странски туристи, кои ке прават промет во наши ресторани, хотели, продавници, кои утре ке ја промовираат Македонија пред своите пријатели…Џабе ви бре бесплатни реклами, џабе ви Macedonia Timeless,  Истражи ја Македонија, џабе ви се . Кога македонскиот народ е тој кој на Грција и носи поени годинава…Веќе наголемо е 1:0 за Грција.

Овие Македонциве сите треба да се оперираат во главата! Или евентуално, сезонските патриоти, кои  во лето забораваат да ја пцујат Грција и одеднаш не се замараат со политика, да си платат тешка глоба на граница, чисто зошто стапнуваат во Грција.

Па да видам тогаш дали пустиов Охрид ке биде полупразен во тек на сезона….

На падините на Средно Водно, затскриена зад хотелот  “Средно Водно” се наоѓа возобновената црква “Рождество на Пресвета Богородица”.  Значи, кога ке пиете кафе на Средно Водно, само прашајте за црквата и веднаш ке ве упатат….

А таму, ке ве пречека нејзиното височество….

Црквата беше осветена на 10 октомври 2009 година. Жителите на Скопје ја носат света Богородица во својата свест како заштитничка на градот и помагателка во сите неволји што ги снаоѓаат, вели прота Коста Станоевски, секретар на Скопската епархија. Празникот Успение на Пресвета Богородица или кај народот попознато како Голема Богородица е на 28 август и традиционално се празнува во Матка и во Скопје.

Кога го минуваме камениот мост, навлегувајки во Старата Скопска Чаршија, патот веднаш не води кон црквата Свети Спас. Сместена на платото под самата Скопска Тврдина, подигната кон крајот на XVII век, или на почетокот на XVIII век.

Наизглед едноставна градба, вкопана во земја, црквата во себе крие фантастичен иконопис, изработен од копаничарската тајфа на мајсторот Петре Филиповски – “Гарка” од малореканското село Гари. Работен е од 1819 до 1824 година. Во десниот крај на иконостасот на јужната страна се претставени самите автори: Петре Филиповски го изработува планот, а другите двајца се претставени со чекани и со длета во рацете.

Во самиот двор на црквата се наоѓа огромен мермерен саркофаг, во кој се сместени коските на великанот на Македонското револуционерно движење, Гоце Делчев.

Во конаците на црквата е сместен Музејот на Гоце Делчев, во кој ке ве пречека кустос кој ке ви даде информации за сите изложени парчиња оружје и сите експонати , кои ги има на претек. Може да се најде комитска облека, може да видите парчиња оружје од приватни колекции, јатагани, куршуми, пушки…Историјата на револуционерното дело..
Едно убаво претпладне минато во црквата Свети Спас и во Музејот на Гоце Делчев.

Значи, какво собрание и какви пратеници имаме, тоа чудо едно.

Ниедна друга држава и народ не можат да се пофалат со толку модерни и современи, секогаш во тек со настаните, ажурни и во сржта на настаните како нашиве пратеници.

Секако, до вчера најатрактивно беше Светсково првенство, па ако не се покажат дека се во тек со се, ке им се стави минус. Затоа денес, Октоподски шеги и препукувања :

Октоподот Пол да и помага на Владата со прогнозите, порака од опозицијата, СДСМ се докажа како лош прогнозер, врати власта.

Фала богу, нивните дневници не им ги должиме ние, туку партијата, од која и зависат, и за која и работат. Не за нас, од чии плати и пензии земаат плата. Туку од партијата. Затоа, денес, како многупати досега , непродуктивно го утепаа денот, терајки ниски заебанции, за кои, секако, ке бидат подчукани во грб од нивните лидери и ке земат дневница.

Се прашувам, што направи ја сите тие до еден бескичмењаци за да ја заслужат нашата поддршка и нашите пари? За да изигруваат маалски фраери и финтаџии, во стилот – Јас те заебав прв – , -Ама јас те заебав со боља финта-…

А најзаебани, секако, се знае кои ке бидат. Тие сигурно не, зошто на 15- ти јули ке отидат дома заедно,рака под рака,  со полн џеб плата и кеси со печеница.  Веро кеси полни со продукти за нивните размазени деца, секако, кои потоа ке одат на шопинг , зошто тато и мама зеле плата.

Додека навистина способни луѓе ке седат дома, мислејки се како да платат сметки за да можат да преживеат. Ке седат дома професори по историја и археолози, со просек 8.7 на факултет, ке седат дома професори по македонски јазик со просек 9.2, ке седат дома дипломирани правници со рекорден рок на заврсуванје факултет, ке седат дома градежни инженери и архитекти, кои ги имаат проектирано и изведено половина од деловните и приватните згради и куки во Скопје, и салите во  кои седат државните пратеници и ги јадат нивните пари,пари  кои богзнае од каде успеваат невработениве горенаведени да ги искамчат, за да ги платат сметките на време, за да не должат ништо на државата….

Порака до овие  партискиве (а не народни )пратенци :Мизерии, да ве фати истиот тој Пол октоподот па да ве однесе во мајчината , сите до еден, па да ве прати негде подлабоко во морето. Каде што ви е местото, да не раатиса и спаси од крвопии како вас!

Поракава секако не е само од мене, туку од сите оние кои ги наведов погоре.